Gäll, blyb suuber!
 |
(E Fingerzaig) Wony d Blaggedde aalueg, dängg y drzwüsche: Was duet dä Waggis mit däm Wüscherli wüsche? Syt em Yywanderigsschtopp kenny dr Zwägg: Dä wüscht dr EU-Drägg ewägg! |
| (Zwischevärs) Mr trenne Papyyr, mr trenne PET. Au Alu wird trennt, so wie me s sett! |
|
 |
(E verbundene Duume) Ych ha vorhär ain verschlaage bym doo aanelaufe! …und Droge duen y au verkaufe! …Morn raub y no e Bangg uss – ych dängg das längt, dass me au mir denn s Thai-Box-Training schänggt! |
 |
(E hooly Hand) Dr Schawiri, das isch dä z Andermatt. Dä findet Millioonebaute glatt! S glyyche git s z Dytschland - zmindescht symboolysch - nur sälle isch Bischof und klaut kathoolisch! |
 |
(E Duume aabe) Ych bi fir Basel! Ych zaahl fir Basel! Ych schaff fir Basel! Und ych lääb fir Basel! Ych due alles fir Baasel duurefiehre! Und zum Dangg, … khan y z Basel nimm parkiere! |
 |
(E Schtinggefinger) ‚Nääger‘ derf me hit nimm saage! Saisch trotzdäm ‚Nääger‘, haaglets Klaage! Drum wärde Gäld-Jongleure, wo me kennt, ab sofort „Alice Schwarzer“ gnennt! |
 |
(E Figgtory-Zaiche) Jetzt gits denn wäg däm Pimmeli und däm Schnäggli uss Plüsch in de Fundykrais vyyl Nääbegrüsch! Drbyy isch daas doch s Bescht fir jeedy Mamme, zem em Kind zerklääre, wohär d Plüschtier schtamme! |
 |
(E F(r)uscht) Was dr Somm in d BaZ schrybt isch e Übel! Und was dr Bahnerth in d BaZ schrybt gheert in Kübel! Vom Schrybstil här, khasch als gebildets Wääse, in dr BaZ nur no d Todes-Aazaige lääse! |
 |
(E ächti Hand) Mr trenne Papyyr, mr trenne PET. Au Alu wird trennt, so wie me s sett! Nur ai Entsorgyg hämmer verpennt: Mr hän ys noonyg vom Wessels trennt. |
| Noochvärs: Dä Yywandrygs-Schtopp isch fir uns Bänggler scheen, will jetzt pletzlig ally unsery Värs verschteehn! Und fir d Nid-Basler no dr Rootschlaag doo: Machtet kai Lärm bym Uusegoh! |
|
|
Noochvärs: |
Und yyneschtäche, ummeschloh.
Duurezieh und aabeloh.
Jä soone Refrain isch dr Hit…
…nur fir e Nationaalroot längt das nit!
Duurezieh und aabeloh.
Jä soone Refrain isch dr Hit…
…nur fir e Nationaalroot längt das nit!